Тропарь преподобному Иоанну Лествичнику, игумену Синайскому, глас 8

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Иоанне, отче наш, // моли Христа Бога спастися душам нашим.

Ин тропарь преподобному Иоанну Лествичнику, игумену Синайскому, глас 4

Яко Божественную лествицу, обретохом, Иоанне преподобне, / твоя Божественныя добродетели, / к Небеси возводящия ны: добродетелей бо ты был еси воображение. // Тем моли Христа Бога, да спасет души наша.

Кондак преподобному Иоанну Лествичнику, игумену Синайскому, глас 1

Плоды присноцветущия, /от твоей книги принося учения, премудре, / услаждавши сердца, сим с трезвением внемлющих, блаженне: лествица бо есть, души возводящая от земли к Небесней и пребывающей славе // верою чтущих тя.

Ин кондак преподобному Иоанну Лествичнику, игумену Синайскому, глас 4

На высоте Господь воздержания истинна тя положи, / якоже звезду нелестную, световодящую концы, // наставниче Иоанне, отче наш.

Источник: http://azbyka.ru/otechnik/Ioann_Lestvichnik/